కొండా ఫ్యామిలీ మూలాన ఇదీ నా ప‌రిస్థితి: రాంగోపాల్ వ‌ర్మ‌

తెలంగాణ‌కు చెందిన సీనియ‌ర్ రాజ‌కీయ‌వేత్త కొండా సురేఖ భ‌ర్త కొండా ముర‌ళి జీవిత క‌థ ఆధారంగా కొండా పేరిట సంచ‌ల‌న ద‌ర్శ‌కుడు రాంగోపాల్ వ‌ర్మ ఓ చిత్రాన్ని తెరకెక్కిస్తున్న సంగ‌తి తెలిసిందే. ఈ చిత్రం నిర్మాణం దాదాపుగా పూర్తి అయి విడుద‌ల‌కు సిద్ధంగా ఉన్న నేప‌థ్యంలో కొండా సురేఖ త‌న కుటుంబంతో పాటు చిత్ర బృందాన్ని వెంట‌బెట్టుకుని సోమ‌వారం బెజ‌వాడ క‌న‌క‌దుర్గ‌మ్మ‌ను ద‌ర్శించుకున్నారు. కొండా ఫ్యామిలీ అభ్య‌ర్థ‌న మేర‌కు రాంగోపాల్ వ‌ర్మ కూడా క‌న‌క‌దుర్గ‌మ్మ‌ను ద‌ర్శించుకున్నారు.

ఈ క్ర‌మంలో సోమ‌వారం ఉద‌యం ఆల‌యంలో కొండా సురేఖ పక్క‌నే కూర్చుని రాంగోపాల్ వ‌ర్మ దుర్గ‌మ్మ సేవ‌లో పాల్గొన్నారు. ఈ వీడియోను త‌న ట్విట్ట‌ర్ ఖాతాలో పోస్ట్ చేసిన వ‌ర్మ‌... 'కొండా ఫ్యామిలీ మూలాన ఇదీ నా ప‌రిస్థితి' అంటూ ఓ కామెంట్‌ను కూడా జ‌త చేశారు.