జూబ్లీహిల్స్ అత్యాచార ఘటనపై రామ్ గోపాల్ వర్మ స్పందన

హైదరాబాదులో ఓ మైనర్ బాలికపై కారులో సామూహిక అత్యాచారం జరిగిన ఘటన తీవ్ర కలకలం రేపుతోంది. తాజాగా ఈ ఘటనపై ప్రముఖ సినీ దర్శకుడు రామ్ గోపాల్ వర్మ స్పందించారు. ఈ వ్యవహారానికి సంబంధించి బీజేపీ ఎమ్మెల్యే రఘునందన్ రావు ఒక్కరే నిజాయతీగా వ్యవహరిస్తున్నారని అభిప్రాయపడ్డారు. మిగతా వారంతా ఈ ఘటనను తప్పుదోవపట్టించే ఎత్తుగడలకు పాల్పడుతున్నారని, ఇది బాధాకరమని పేర్కొన్నారు. ఓ సాధారణ పౌరుడిగా ఇది తన అభిప్రాయమని తెలిపారు. ఈ మేరకు వర్మ ట్వీట్ చేశారు.