విలాస నౌక.. విశాఖ రాక: ఇవాళ సాయంత్రం కార్డేలియా టూర్ షురూ!
- ఇవాళ ఉదయమే విశాఖ తీరానికి చేరిక
- మూడు రోజుల క్రితం చెన్నై నుంచి బయల్దేరిన నౌక
- ఇప్పటికే బుక్కయిపోయిన టికెట్లు
- 12 ఏళ్ల లోపు పిల్లలకు ఫ్రీ టూర్
అలలపై తేలియాడే జల స్వర్గం కార్డేలియా విశాఖకు వచ్చేసింది. తన ప్రయాణ మజిలీలో ఇవాళ ఉదయం విశాఖ తీరానికి చేరుకుంది. విశాఖ–పుదుచ్చేరి–చెన్నై–విశాఖ మార్గంలో సేవలందిస్తున్న విలాస నౌక కార్డేలియా.. పర్యాటకులకు మధురానుభూతులను అందించే జర్నీని మొదలుపెట్టేందుకు సిద్ధమైంది.
11 అంతస్తుల ఎత్తుండే ఈ నౌకలో సకల సదుపాయాలనూ కల్పిస్తున్నారు. ఫైవ్ స్టార్ హోటల్ లో లేని సదుపాయాలూ కార్డేలియాలో అందుబాటులో ఉన్నాయి. సినిమా థియేటర్లు, అడ్వెంచర్ కార్యకలాపాల వంటి ఎక్స్ క్లూజివ్ ఫీచర్లు దీని సొంతం. 15 వేల మంది ప్రయాణించే సౌలభ్యం మరో ఫీచర్. విశాఖ నుంచి చెన్నైకి ప్రయాణ సమయం 36 గంటలు. మళ్లీ అక్కడి నుంచి విశాఖకు తిరిగొచ్చేందుకు మరో రెండు రోజులు పడుతుంది. మొత్తంగా ఆహ్లాదకరమైన ఈ విలాస ప్రయాణం మూడున్నరరోజులు పడుతుంది.
కింద ఉండే రెండంతస్తులను ఇంజన్, సరుకులకు కేటాయించారు. మూడో అంతస్తు నుంచి పర్యాటకుల గదులు ఉంటాయి. పదో అంతస్తులో పెద్ద డెక్ ఉంటుంది. సూర్యోదయం, సూర్యాస్తమయాన్ని చూసేందుకు పదకొండో అంతస్తులో మరో డెక్ ను ఏర్పాటు చేశారు. పిల్లలు జాలీగా గడిపేందుకు కిడ్స్ అకాడమీ పేరుతో పెద్ద క్యాంపస్ నే ఏర్పాటు చేయడం మరో విశేషం. వాటితో పాటు జిమ్, క్యాసినో, కామెడీ షో కోసం వేదికలు, 24 గంటలూ పనిచేసే సూపర్ మార్కెట్లూ మరిన్ని ప్రత్యేకతలు. మనకు నచ్చిన ఆహారం తినేందుకు రెండు రెస్టారెంట్లూ ఉన్నాయి.
మరి అన్ని విశేషాలున్న ఈ కార్డేలియాలో ప్రయాణం చేయాలంటే అంత ఈజీ ఏం కాదండోయ్. చేతి చమురు వదిలిపోవాల్సిందే. తీసుకునే గదిని బట్టి రూ.27 వేల నుంచి రూ.1.27 లక్షల దాకా టికెట్ రేట్లున్నాయి. థ్రిల్లోఫోబియా, యాత్రా వంటి కొన్ని ఆన్ లైన్ సంస్థలు అందులో కొంత డిస్కౌంట్ ను ఇస్తున్నాయి. మరో విశేషమేంటంటే కార్డేలియా తొలి ఏడాది పాటు 12 ఏళ్ల లోపు పిల్లలందరికి ఉచితంగా సముద్ర ప్రయాణ అనుభూతులను అందిస్తోంది.
ఇప్పుడే వెళ్లిపోదామనుకుంటున్నారా? ఆగండాగండి.. ప్రస్తుత టూర్ కు టికెట్లు నిల్.. షిప్పు ఫుల్! ఇవాళ సాయంత్రం ఏపీ పర్యాటక మంత్రి రోజా షిప్ కు జెండా ఊపేసి పర్యాటకులకు సెండాఫ్ ఇవ్వనున్నారు. మూడు రోజుల క్రితం తమిళనాడు సీఎం ఎంకే స్టాలిన్ చెన్నై తీరంలో కార్డేలియాకు జెండా ఊపి జర్నీని ప్రారంభించారు.
11 అంతస్తుల ఎత్తుండే ఈ నౌకలో సకల సదుపాయాలనూ కల్పిస్తున్నారు. ఫైవ్ స్టార్ హోటల్ లో లేని సదుపాయాలూ కార్డేలియాలో అందుబాటులో ఉన్నాయి. సినిమా థియేటర్లు, అడ్వెంచర్ కార్యకలాపాల వంటి ఎక్స్ క్లూజివ్ ఫీచర్లు దీని సొంతం. 15 వేల మంది ప్రయాణించే సౌలభ్యం మరో ఫీచర్. విశాఖ నుంచి చెన్నైకి ప్రయాణ సమయం 36 గంటలు. మళ్లీ అక్కడి నుంచి విశాఖకు తిరిగొచ్చేందుకు మరో రెండు రోజులు పడుతుంది. మొత్తంగా ఆహ్లాదకరమైన ఈ విలాస ప్రయాణం మూడున్నరరోజులు పడుతుంది.
కింద ఉండే రెండంతస్తులను ఇంజన్, సరుకులకు కేటాయించారు. మూడో అంతస్తు నుంచి పర్యాటకుల గదులు ఉంటాయి. పదో అంతస్తులో పెద్ద డెక్ ఉంటుంది. సూర్యోదయం, సూర్యాస్తమయాన్ని చూసేందుకు పదకొండో అంతస్తులో మరో డెక్ ను ఏర్పాటు చేశారు. పిల్లలు జాలీగా గడిపేందుకు కిడ్స్ అకాడమీ పేరుతో పెద్ద క్యాంపస్ నే ఏర్పాటు చేయడం మరో విశేషం. వాటితో పాటు జిమ్, క్యాసినో, కామెడీ షో కోసం వేదికలు, 24 గంటలూ పనిచేసే సూపర్ మార్కెట్లూ మరిన్ని ప్రత్యేకతలు. మనకు నచ్చిన ఆహారం తినేందుకు రెండు రెస్టారెంట్లూ ఉన్నాయి.
మరి అన్ని విశేషాలున్న ఈ కార్డేలియాలో ప్రయాణం చేయాలంటే అంత ఈజీ ఏం కాదండోయ్. చేతి చమురు వదిలిపోవాల్సిందే. తీసుకునే గదిని బట్టి రూ.27 వేల నుంచి రూ.1.27 లక్షల దాకా టికెట్ రేట్లున్నాయి. థ్రిల్లోఫోబియా, యాత్రా వంటి కొన్ని ఆన్ లైన్ సంస్థలు అందులో కొంత డిస్కౌంట్ ను ఇస్తున్నాయి. మరో విశేషమేంటంటే కార్డేలియా తొలి ఏడాది పాటు 12 ఏళ్ల లోపు పిల్లలందరికి ఉచితంగా సముద్ర ప్రయాణ అనుభూతులను అందిస్తోంది.
ఇప్పుడే వెళ్లిపోదామనుకుంటున్నారా? ఆగండాగండి.. ప్రస్తుత టూర్ కు టికెట్లు నిల్.. షిప్పు ఫుల్! ఇవాళ సాయంత్రం ఏపీ పర్యాటక మంత్రి రోజా షిప్ కు జెండా ఊపేసి పర్యాటకులకు సెండాఫ్ ఇవ్వనున్నారు. మూడు రోజుల క్రితం తమిళనాడు సీఎం ఎంకే స్టాలిన్ చెన్నై తీరంలో కార్డేలియాకు జెండా ఊపి జర్నీని ప్రారంభించారు.