శాలువాలు, పుష్ప గుచ్ఛాలు తీసుకురావ‌ద్దండి!: బీజేపీ శ్రేణుల‌కు ఎంపీ లక్ష్మణ్ అభ్య‌ర్థ‌న
- యూపీ కోటా నుంచి రాజ్య‌స‌భ‌కు ఏక‌గ్రీవంగా ఎన్నికైన లక్ష్మణ్
- శ‌నివారం హైద‌రాబాద్ వ‌స్తున్న బీజేపీ ఎంపీ
- త‌న‌ను క‌లిసేందుకు వ‌చ్చే నేత‌ల‌కు లక్ష్మణ్ కీలక సూచ‌న
యూపీ కోటా నుంచి రాజ్య‌స‌భ‌కు ఏక‌గ్రీవంగా ఎన్నికైన బీజేపీ తెలంగాణ శాఖ మాజీ అధ్య‌క్షుడు కె.లక్ష్మణ్ పార్టీ శ్రేణుల‌ను ఉద్దేశించి కీలక ప్ర‌క‌ట‌న చేశారు. రాజ్య‌స‌భ స‌భ్యుడి హోదాలో తాను ఈ నెల 4 (శ‌నివారం)న హైద‌రాబాద్ వ‌స్తున్నాన‌ని ఆయ‌న తెలిపారు. రాజ్య‌స‌భ స‌భ్యుడిగా ఎన్నికైన నేప‌థ్యంలో త‌న‌ను క‌లిసేందుకు వ‌చ్చే పార్టీ నేత‌లు, కార్య‌క‌ర్త‌లు శాలువాలు, పుష్ప‌గుచ్ఛాలు తీసుకురావద్ద‌ని ఆయ‌న కోరారు. ఈ మేర‌కు ఆంగ్లం, హిందీ, తెలుగులో ఆయ‌న ట్విట్ట‌ర్ వేదిక‌గా ఓ ప్ర‌క‌ట‌న విడుద‌ల చేశారు.
బీజేపీ తెలంగాణ శాఖ అధ్య‌క్షుడిగా సుదీర్ఘ కాలం ప‌నిచేసిన లక్ష్మణ్... అసెంబ్లీలో పార్టీ శాస‌న‌స‌భాప‌క్ష నేత‌గానూ ప‌నిచేశారు. పార్టీకి ఎన్ని ఒడిదుడుకులు ఎదురైనా పార్టీని వీడ‌కుండా నిబద్ధ‌త క‌లిగిన కార్య‌క‌ర్త‌గా ప‌నిచేశారు. ఈ క్ర‌మంలోనే ఆయ‌న‌ను రాజ్య‌స‌భ‌కు పంపాల‌ని బీజేపీ అధినాయ‌క‌త్వం భావించి... యూపీ కోటా నుంచి ఆయ‌న‌ను రాజ్య‌స‌భ అభ్య‌ర్థిగా ఎంపిక చేసింది. శుక్ర‌వారం నామినేష‌న్ల గ‌డువు ముగిసిన నేప‌థ్యంలో లక్ష్మణ్ రాజ్య‌స‌భ‌కు ఏక‌గ్రీవంగా ఎన్నికైన‌ట్లు కేంద్ర ఎన్నిక‌ల సంఘం ప్ర‌క‌టించింది. ఈ నేప‌థ్యంలో ల‌క్నోలో శుక్ర‌వారం డిక్ల‌రేష‌న్ ప‌త్రం అందుకున్న లక్ష్మణ్ శ‌నివారం హైద‌రాబాద్ వ‌స్తున్నారు.
బీజేపీ తెలంగాణ శాఖ అధ్య‌క్షుడిగా సుదీర్ఘ కాలం ప‌నిచేసిన లక్ష్మణ్... అసెంబ్లీలో పార్టీ శాస‌న‌స‌భాప‌క్ష నేత‌గానూ ప‌నిచేశారు. పార్టీకి ఎన్ని ఒడిదుడుకులు ఎదురైనా పార్టీని వీడ‌కుండా నిబద్ధ‌త క‌లిగిన కార్య‌క‌ర్త‌గా ప‌నిచేశారు. ఈ క్ర‌మంలోనే ఆయ‌న‌ను రాజ్య‌స‌భ‌కు పంపాల‌ని బీజేపీ అధినాయ‌క‌త్వం భావించి... యూపీ కోటా నుంచి ఆయ‌న‌ను రాజ్య‌స‌భ అభ్య‌ర్థిగా ఎంపిక చేసింది. శుక్ర‌వారం నామినేష‌న్ల గ‌డువు ముగిసిన నేప‌థ్యంలో లక్ష్మణ్ రాజ్య‌స‌భ‌కు ఏక‌గ్రీవంగా ఎన్నికైన‌ట్లు కేంద్ర ఎన్నిక‌ల సంఘం ప్ర‌క‌టించింది. ఈ నేప‌థ్యంలో ల‌క్నోలో శుక్ర‌వారం డిక్ల‌రేష‌న్ ప‌త్రం అందుకున్న లక్ష్మణ్ శ‌నివారం హైద‌రాబాద్ వ‌స్తున్నారు.