చివరి మ్యాచ్ లో గెలుపే లక్ష్యంగా బరిలో దిగిన ఆర్సీబీ

ఐపీఎల్ తాజా సీజన్ లో రాయల్ చాలెంజర్స్ బెంగళూరు జట్టు నేడు తన చివరి లీగ్ మ్యాచ్ ఆడుతోంది. గుజరాత్ టైటాన్స్ తో జరిగే ఈ పోరులో నెగ్గితేనే బెంగళూరు ప్లే ఆఫ్స్ అవకాశాలు సజీవంగా ఉంటాయి. 

నేటి మ్యాచ్ కు ముంబయిలోని వాంఖెడే స్టేడియం వేదికగా నిలుస్తోంది. టాస్ గెలిచిన గుజరాత్ టైటాన్స్ బ్యాటింగ్ ఎంచుకుంది. గుజరాత్ టైటాన్స్ ఇప్పటికే ప్లే ఆఫ్స్ బెర్తు ఖరారు చేసుకోవడంతో ఆ జట్టుకు ఈ మ్యాచ్ లో ఓడిపోయినా ఫర్వాలేదు. బెంగళూరు ఓడిపోతే మాత్రం నాకౌట్ చేరే అవకాశాలు దాదాపుగా అడుగంటినట్టే. 

మొదట బ్యాటింగ్ కు దిగిన గుజరాత్ టైటాన్స్ జట్టు 4 ఓవర్లు ముగిసే సరికి 1 వికెట్ నష్టానికి 23 పరుగులు చేసింది. ఓపెనర్ వృద్ధిమాన్ సాహా 21 పరుగులు, మాథ్యూ వేడ్ 1 పరుగుతో క్రీజులో ఉన్నారు. కేవలం ఒక్క పరుగు మాత్రమే చేసిన ఓపెనర్ శుభ్ మాన్ గిల్... హేజెల్ వుడ్ బౌలింగ్ లో గ్లెన్ మ్యాక్స్ వెల్ కు క్యాచ్ ఇచ్చి అవుటయ్యాడు.