సునీల్ శెట్టి కూతురి ప్రేమలో కేఎల్ రాహుల్.. పెళ్లి వార్తలపై క్లారిటీ ఇదే!

టీమిండియా క్రికెటర్ కేఎల్ రాహుల్, బాలీవుడ్ స్టార్ సునీల్ శెట్టి కుమార్తె అతియా శెట్టి ప్రేమలో ఉన్న సంగతి తెలిసిందే. వీరిద్దరూ పెళ్లి చేసుకోబోతున్నారంటూ గత కొంత కాలంగా వార్తలు షికారు చేస్తున్నాయి. ఈ ఏడాదిలోనే వీరిద్దరూ పెళ్లి పీటలు ఎక్కబోతున్నారంటూ తాజాగా ఒక వార్త వైరల్ అవుతోంది. ఈ వార్తపై అతియా శెట్టి సోదరుడు, బాలీవుడ్ నటుడు అహాన్ శెట్టి స్పందించాడు. 

కేఎల్ రాహుల్, అతియా పెళ్లికి సంబంధించి వస్తున్న వార్తలన్నీ పుకార్లేనని అహాన్ శెట్టి తెలిపాడు. ఇప్పటి వరకు ఎలాంటి నిశ్చితార్థం కూడా జరగలేదని చెప్పాడు. పెళ్లికి సంబంధించిన చర్చే జరగనప్పుడు వివాహ తేదీని ఎలా చెపుతామని ప్రశ్నించాడు. ప్రతి ఈద్ ను తాము తమ తాత ఇంట్లో జరుపుకుంటామని, ఈ సారి కూడా తాత ఇంటికి వెళ్లామని, తమ మధ్య పెళ్లికి సంబంధించిన విషయాలు చర్చకు రాలేదని తెలిపాడు. రానున్న కొన్ని నెలల వరకు కూడా పెళ్లికి సంబంధించి ఎలాంటి ప్రణాళిక లేదని చెప్పాడు.