కుప్పం వైసీపీ నేత మృతి.. హత్య చేశారన్న తమ్ముడు!
- రైలు పట్టాలపై పడి చనిపోయిన పార్థసారథి
- రెస్కో ఛైర్మన్ సెంథిల్ కుమార్ హస్తం ఉందన్న కార్తీక్
- సీబీఐ చేత దర్యాప్తు చేయించాలని డిమాండ్
కుప్పం వైసీపీ నేత, శ్రీ ప్రసన్న తిరుపతి గంగమ్మ ఆలయ మాజీ ఛైర్మన్ పార్థసారథి మృతి సంచలనం రేకెత్తించిన సంగతి తెలిసిందే. ఈ మృతిపై ఆయన తమ్ముడు కార్తీక్ అనుమానాలను వ్యక్తం చేశారు. తన అన్నను హత్య చేసి, ఆత్మహత్యగా చిత్రీకరించారని... ఈ మృతిపై సీఐడీ లేదా సీబీఐ చేత దర్యాప్తు చేయించాలని కోరుతూ పలమనేరు డీఎస్పీ గంగయ్యకు ఫిర్యాదు చేశారు. కేసును రైల్వే పోలీసుల నుంచి స్థానిక పోలీసులకు బదిలీ చేయాలని కోరారు.
అయితే పార్థసారథి ఇన్ఛార్జీగా ఉండి కూడి గెలిపించలేకపోయారంటూ ఆయనపై దూషణకు పాల్పడ్డారని... అక్రమ కేసులు పెట్టించి, మానసికంగా కుంగిపోయేలా చేశారని అన్నారు. అన్న మరణంలో సెంథిల్ కుమార్, అరుల్ కుమార్, ఇతర అనుచరుల పాత్ర ఉందని తాము బలంగా నమ్ముతున్నామని చెప్పారు.