టాలీవుడ్ నటులు అల్లు అర్జున్, కల్యాణ్‌రామ్ కార్ల బ్లాక్ ఫిల్మ్ తొలగింపు
- బ్లాక్ ఫిల్మ్‌లపై నిఘా పెంచిన పోలీసులు
- కల్యాణ్‌రామ్, అల్లు అర్జున్ కార్లకు రూ. 700 చొప్పున జరిమానా
- నిబంధనలు ఉల్లంఘించిన 80కిపైగా వాహనాలపై కేసులు
కార్లకున్న బ్లాక్ ఫిల్మ్‌లను తొలగిస్తూ జరిమానాలను విధిస్తున్న జూబ్లీహిల్స్ ట్రాఫిక్ పోలీసులు మరింత జోరు పెంచారు. ఇటీవల ఎన్టీఆర్ కారుకున్న బ్లాక్‌ఫిల్మ్‌ను తొలగించిన పోలీసులు తాజాగా అల్లు అర్జున్, కల్యాణ్ రామ్ కార్లకున్న నల్ల తెరలను జూబ్లీహిల్స్ ట్రాఫిక్ పోలీసులు తొలగించి చలానాలు విధించారు.
జూబ్లీహిల్స్ రోడ్ నంబరు 36లోని నీరూస్ చౌరస్తాలో నిన్న తనిఖీలు నిర్వహించిన పోలీసులు.. అదే సమయంలో అటువైపు నుంచి వెళ్తున్న కల్యాణ్‌రామ్, అల్లు అర్జున్ కార్లను ఆపారు. అనంతరం వాటికున్న బ్లాక్ ఫిల్మ్‌లను తొలగించి రూ.700 చొప్పున చలాన్లు విధించారు. అలాగే, నిబంధనలు పాటించని మరో 80కి పైగా వాహనాలపై కేసులు నమోదు చేశారు.
జూబ్లీహిల్స్ రోడ్ నంబరు 36లోని నీరూస్ చౌరస్తాలో నిన్న తనిఖీలు నిర్వహించిన పోలీసులు.. అదే సమయంలో అటువైపు నుంచి వెళ్తున్న కల్యాణ్‌రామ్, అల్లు అర్జున్ కార్లను ఆపారు. అనంతరం వాటికున్న బ్లాక్ ఫిల్మ్‌లను తొలగించి రూ.700 చొప్పున చలాన్లు విధించారు. అలాగే, నిబంధనలు పాటించని మరో 80కి పైగా వాహనాలపై కేసులు నమోదు చేశారు.