ఆ అరెస్టుల త‌ర్వాతే దాడుల‌కు బ్రేకులెందుకు సార్‌?: వర్ల రామయ్య

ప‌శ్చిమ గోదావ‌రి జిల్లా జంగారెడ్డిగూడెంలో రోజుల వ్య‌వ‌ధిలోనే 20 మందికి పైగా మ‌ర‌ణించిన విష‌యంపై ఏపీలో ఇంకా రాజ‌కీయ వేడి త‌గ్గ‌లేదు. అధికార వైసీపీ, విప‌క్ష టీడీపీ ఒక‌రిపై మ‌రొక‌రు విమ‌ర్శ‌లు సంధించుకుంటూనే ఉన్నాయి. తాజాగా ఈ విష‌యాన్ని ఆధారం చేసుకుని టీడీపీ కీల‌క నేత వ‌ర్ల రామ‌య్య జ‌గ‌న్ స‌ర్కారుకు ఓ సూటి ప్ర‌శ్న సంధించారు.

జంగారెడ్డిగూడెంలో ఎస్ఈబీ అధికారులు జ‌రిపిన దాడుల్లో ఎంద‌రో నాటుసారా కాపుదారుల‌తో పాటు విక్ర‌య‌దారులు కూడా అరెస్ట‌య్యార‌ని గుర్తు చేసిన వ‌ర్ల‌.. ఈ అరెస్టుల త‌ర్వాత ఏపీవ్యాప్తంగా ఎస్ఈబీ దాడులకు ఎందుకు బ్రేకులు ప‌డ్డాయంటూ ప్రశ్నించారు. రాష్ట్రంలో నాటుసారా ఏరులై పారుతుంటే.. ఎంద‌రో వ్య‌స‌న‌ప‌రులు ప్రాణాలు పోతుంటే.. నాటుసారా మ‌ర‌ణాల‌న్నీ స‌హ‌జ మ‌ర‌ణాలేన‌ని స్వయంగా సీఎం జ‌గ‌న్ చెబుతున్నార‌ని ఆయ‌న ఎద్దేవా చేశారు.