హై ఓల్టేజీ మ్యాచ్‌!.. భార‌త్‌, పాక్ జ‌ట్ల పోరు రేపే!

భార‌త్‌, పాక్ జ‌ట్ల మ‌ధ్య మ్యాచ్ అంటే రెండు దేశాల క్రీడాభిమానులు టీవీ తెర‌ల‌కు అతుక్కుపోయే ప‌రిస్థితి కొత్తేమీ కాదు. ఆ మ్యాచ్ క్రికెట్ అయితే ఇత‌ర దేశాల అభిమానులూ ఆస‌క్తి క‌న‌బ‌రుస్తారు. ఈ మ్యాచ్ పురుషుల జ‌ట్ల మ‌ధ్య అయితే ఇక చెప్పాల్సిన ప‌నే లేదు. మ‌హిళ‌ల జ‌ట్ల మ‌ధ్య మ్యాచ్ అయితే కాస్తంత ఆద‌ర‌ణ త‌క్కువే కానీ..ఇరు దేశాల పేర్లు వింటేనే ఇది హై ఓల్టేజీ మ్యాచేన‌ని చెప్ప‌క త‌ప్ప‌దు. 

ఇప్పుడు మహిళల వన్డే వ‌ర‌ల్డ్ క‌ప్ మ్యాచ్‌లు ర‌స‌వ‌త్త‌రంగా సాగుతున్న సంగ‌తి తెలిసిందే. న్యూజిలాండ్‌ గడ్డపై జరుగుతున్న ఈ మెగా టోర్నీలో ఇప్పటికే పలు మ్యాచ్‌లు ముగియ‌గా.. ఆదివారం భారత్, పాకిస్థాన్ మధ్య హై ఓల్టేజ్ మ్యాచ్ జరగనుంది. హోరాహోరీగా సాగ‌నున్న ఈ మ్యాచ్‌లో విజ‌యం సాధించాల‌ని ఇరు జ‌ట్లు ఉవ్విళ్లూరుతున్నాయి.

ఇదిలా ఉంటే..పురుషుల క్రికెట్ లో మాదిరిగానే మ‌హిళ‌ల క్రికెట్‌లోనూ పాకిస్థాన్‌పై భారత జట్టుకు మంచి రికార్డే ఉంది. ఇప్పటి వ‌ర‌కు పాకిస్థాన్‌పై 10 వ‌న్డేల్లో భారత మహిళల జ‌ట్టు గెలిచింది. 11 సార్లు జ‌రిగిన టీ20 మ్యాచుల్లోనూ ఒక్కసారి మాత్రమే ఇండియా ఓడిపోయింది. రేపటి మ్యాచ్‌లోనూ ఇండియానే ఫేవరేట్‌గా బరిలోకి దిగుతోంది.