హీరో మోటో నుంచి తొలి ‘విదా’ ఎలక్ట్రిక్ టూ వీలర్.. చిత్తూరు ప్లాంట్ లో తయారీ

హీరో గ్లామర్, స్పెండర్, పాషన్ పేరుతో దేశ ప్రజలు అందరికీ పరిచయమైన హీరో మోటోకార్ప్.. విదా బ్రాండ్ కింద ఎలక్ట్రిక్ వాహనాలను తీసుకురానుంది. ఇందుకు సంబంధించి విదా బ్రాండ్ ను ఆవిష్కరించింది. ఈ బ్రాండ్ కింద తొలి ఎలక్ట్రిక్ వాహనాన్ని జూలై 1న విడుదల చేయనుంది. దీనిని చిత్తూరు ప్లాంట్ లో తయారు చేయనున్నట్టు కంపెనీ ప్రకటించింది. 
ఈ ఏడాది చివరి నుంచి కస్టమర్లకు వాహనాలను అందించనుంది. 100 మిలియన్ డాలర్ల సస్టెయినబుల్ ఫండ్ ను హీరోమోటో కార్ప్ చైర్మన్, సీఈవో పవన్ ముంజాల్ ఈ సందర్భంగా ప్రకటించారు. దీని కింద 100 మంది ఔత్సాహిక పారిశ్రామిక వేత్తలను తీర్చిదిద్దుతామని ప్రకటించారు. హీరో ఎలక్ట్రిక్ కింద ప్రస్తుతం మార్కెట్లో ఎలక్ట్రిక్ వాహనాలు విక్రయమవుతుండడం తెలిసిందే. ఈ బ్రాండ్ పవన్ ముంజాల్ సోదరులైన నవీన్ ముంజాల్, విజయ్ ముంజాల్ కు చెందినది.