మేకపాటి గౌతమ్ రెడ్డి భౌతికకాయానికి నివాళులు అర్పించిన పవన్ కల్యాణ్

అకాలమరణంపాలైన ఏపీ మంత్రి మేకపాటి గౌతమ్ రెడ్డి భౌతికకాయాన్ని జనసేన పార్టీ అధినేత పవన్ కల్యాణ్ సందర్శించారు. హైదరాబాదు జూబ్లీహిల్స్ లోని గౌతమ్ రెడ్డి నివాసానికి వెళ్లిన పవన్ నివాళులు అర్పించారు. తీవ్ర విషాదంలో ఉన్న గౌతమ్ రెడ్డి కుటుంబ సభ్యులను ఓదార్చారు. వారికి ప్రగాఢ సానుభూతి తెలిపారు.

అంతకుముందు పవన్ ట్విట్టర్ లో స్పందిస్తూ, గౌతమ్ రెడ్డి హఠాన్మరణం దిగ్భ్రాంతికరం అని పేర్కొన్నారు. రాష్ట్రమంత్రిగా ఎన్నో సేవలు అందించాల్సిన తరుణంలో కన్నుమూయడం బాధాకరమని పేర్కొన్నారు.