అదిరిపోయే ఆఫర్ ప్రకటించిన బీఎస్ఎన్ఎల్!

ప్రభుత్వ రంగ టెలికాం సంస్థ బీఎస్ఎన్ఎల్ తన కస్టమర్లకు అదిరిపోయే ఆఫర్ ప్రకటించింది. కొన్ని షరతులతో రూ. 197కే 150 రోజుల వ్యాలిడిటీని అందించే ప్లాన్ తీసుకొచ్చింది. ఈ స్కీమ్ కింద ప్రతి రోజు 2 జీబీ డేటా లభిస్తుంది. అన్ లిమిటెడ్ వాయిస్ కాల్స్, రోజుకు 100 ఎస్ఎంఎస్ లను ఆఫర్ చేస్తోంది. అయితే ఇక్కడో షరతు ఉంది. ఈ ప్రయోజనాలకు 18 రోజుల వ్యాలిడిటీ మాత్రమే ఉంటుంది. ఆ తర్వాత ప్లాన్ వ్యాలిడిటీ ఉన్నా... ఔట్ గోయింగ్ కాల్స్, ఇంటర్నెట్ కోసం టాప్ అప్ వేయించుకోవాల్సి ఉంటుంది. వినియోగదారులకు సుదీర్ఘ వ్యాలిడిటీ అందించడమే లక్ష్యంగా ఈ ప్లాన్ ను తీసుకొచ్చినట్టు బీఎస్ఎన్ఎల్ అధికారులు తెలిపారు. అయితే 18 రోజుల తర్వాత టాప్ అప్ వేయించుకోకపోయినా... ఉచిత ఇన్ కమింగ్ సౌకర్యం మాత్రం ఉంటుంది. ఇంటర్నెట్ వేగం 40 కేబీపీఎస్ గా ఉంటుంది.