ఉద్యోగులతో శాంతియుత చర్చల దిశగా చొరవ చూపండి: సీఎం జగన్ కు నాగబాబు సూచన

ఏపీ ప్రభుత్వ ఉద్యోగులు చేపట్టిన ఛలో విజయవాడ కార్యక్రమంపై జనసేన పార్టీ అధినేత పవన్ కల్యాణ్ స్పందించడం తెలిసిందే. ఆయన ఉద్యోగులకు మద్దతు పలికారు. పలు అంశాల్లో ప్రభుత్వాన్ని తప్పుబట్టారు. ఈ నేపథ్యంలో పవన్ సోదరుడు నాగబాబు కూడా స్పందించారు.

"ప్రభుత్వ వ్యవస్థల్లో ఉద్యోగులు ఎంతటి చిన్నవారైనా కావొచ్చు... కానీ జీతాల్లో పెరుగుదల, అలవెన్సులు, ఇంక్రిమెంట్లు అనేవి ఆ వేతన జీవులకు చిరు ఆశాకిరణాల వంటివి. మా జనసేనాని పవన్ కల్యాణ్ చెప్పినట్టు... ఆ చిన్న ఆశలను కూడా ఉద్యోగులకు అందకుండా చేయడం, ఉన్న జీతాలను తగ్గించడం అనేది గుండెను పిండేస్తోంది. ఈ నేపథ్యంలో నేను కోరేది ఏంటంటే... ఉద్యోగులతో శాంతియుత చర్చలకు ఏపీ సీఎం జగన్ చొరవ చూపాలి. వీలైనంత త్వరగా ఈ సమస్యను పరిష్కరించాలి" అంటూ ట్వీట్ చేశారు.