చిరంజీవి తల్లి అంజనాదేవికి క్షమాపణలు చెప్పిన శ్రీరెడ్డి

టాలీవుడ్ నటి శ్రీరెడ్డి గతంలో మెగా కుటుంబంపై నిప్పులు చెరిగిన సంగతి తెలిసిందే. అయితే ఇన్నాళ్ల తర్వాత శ్రీరెడ్డి ఈ వివాదంపై స్పందించింది. చిరంజీవి తల్లి అంజనాదేవికి క్షమాపణలు తెలుపుకుంటున్నట్టు వెల్లడించింది. గతంలో తాను చేసిన వ్యాఖ్యల పట్ల పశ్చాత్తాపం చెందుతున్నానని పేర్కొంది. అంజనా దేవి తనను పెద్ద మనసుతో క్షమిస్తారని ఆశిస్తున్నట్టు శ్రీరెడ్డి పేర్కొంది.

ఓ వ్యక్తి ప్రోద్బలం వల్లే మెగా కుటుంబంపై తాను వ్యాఖ్యలు చేశానని, ఆ వ్యక్తి పంతం కోసం తనతో అలా మాట్లాడించాడని తెలిపింది. తాను అలా మాట్లాడడం తప్పేనని, అందుకు శిక్ష కూడా అనుభవించానని శ్రీరెడ్డి వివరించింది. ఈ మేరకు సోషల్ మీడియాలో నన్ను క్షమించండి అంజనమ్మ అంటూ ట్వీట్ చేసింది.