'ఆచార్య' దూకుడును ఆపడం కష్టమే!

చిరంజీవి - కొరటాల శివ కాంబినేషన్లో 'ఆచార్య' సినిమా రూపొందింది. నిరంజన్ రెడ్డి  - అన్వేష్ రెడ్డి నిర్మించిన ఈ సినిమాను ఫిబ్రవరి 4వ తేదీన విడుదల చేయనున్నారు. మణిశర్మ సంగీతాన్ని అందించిన ఈ సినిమా నుంచి ఇంతకు ముందు వదిలిన సింగిల్స్ కి అనూహ్యమైన రెస్పాన్స్ వచ్చింది.

దాంతో రీసెంట్ గా చిరంజీవి - రెజీనా కాంబినేషన్లోని స్పెషల్ సాంగ్ లిరికల్ వీడియోను రిలీజ్ చేశారు. 'శానా కష్టం వచ్చిందే మందాకినీ .. చూసేవాళ్ల కళ్లు కాకులెత్తుకుపోని' అంటూ ఈ పాట సాగుతోంది. మణిశర్మ బీట్ .. భాస్కరభట్ల సాహిత్యం ..  ప్రేమ్ రక్షిత్ కొరియోగ్రఫీ ఆకట్టుకునేలా ఉన్నాయి.

ఈ పాటను యూ ట్యూబ్ లో ఇలా వదలగానే అలా జెట్ స్పీడ్ తో దూసుకుపోతోంది. చాలా వేగంగా 8 మిలియన్స్ కి పైగా వ్యూస్ ను రాబట్టేసింది. మాస్ ఆడియన్స్ కి ఈ సాంగ్ ఒక రేంజ్ లో కనెక్ట్ అయిందనే చెప్పాలి. మెగాస్టార్ కనుక ఆయనతో ఐటమ్ చేయడానికి ఒప్పుకున్నాననీ, ఇకపై ఈ తరహా పాటలు చేయనని తాజా ఇంటర్వ్యూలో రెజీనా చెప్పడం విశేషం.