విశాఖ నగరంలో 'స్నో పార్కు' ఏర్పాటు చేయనున్న ప్రభుత్వం!
- గ్రేటర్‌ విశాఖపట్నం స్మార్ట్‌ సిటీ కార్పొరేషన్ ఆధ్వర్యంలో ఏర్పాటు
- 2 ఎకరాల్లో రూ.20 కోట్ల అంచనా వ్యయం
- స్థలం కోసం స్మార్ట్‌ సిటీ కార్పొరేషన్ అధికారుల అన్వేషణ
- ఎన్నో ప్ర‌త్యేక‌త‌ల‌తో స్నో పార్కు
మంచు పర్వతాలను ఎక్కుతూ మంచులో ఆట‌లు ఆడుకోవాల‌ని భావించే వారికి ఆ అనుభూతిని విశాఖ నగరంలోనే అందించేలా స్నో పార్కును ఏర్పాటు చేయాలని ప్రభుత్వం ప్రాథమికంగా నిర్ణయించింది. ఈ పార్కును గ్రేటర్‌ విశాఖపట్నం స్మార్ట్‌ సిటీ కార్పొరేషన్ ఆధ్వర్యంలో 2 ఎకరాల్లో రూ.20 కోట్ల అంచనా వ్యయంతో ఏర్పాటు చేస్తారు.
ఇందుకుగాను స్థలం కోసం స్మార్ట్‌ సిటీ కార్పొరేషన్ అధికారులు అన్వేషణ కొన‌సాగిస్తున్నారు. ఎన్నో ప్ర‌త్యేక‌త‌ల‌తో ఈ స్నో పార్కును ఏర్పాటు చేయాలని ప్రభుత్వం భావిస్తోంది. మంచులో బాస్కెట్‌బాల్ ఆట ఆడుకునేలా సౌక‌ర్యాలు క‌ల్పించ‌డంతో పాటు హోటల్‌ను కూడా ఏర్పాటు చేయ‌నున్నారు.
ఇక్కడ మంచు పర్వతారోహణ ఏర్పాట్లు కూడా చేస్తారు. క‌మ్మ‌ని పాట‌లు వింటూ మంచులో ఆడుకోవ‌చ్చు. ఈ పార్కు ఏర్పాటు కోసం డీపీఆర్ తయారుచేయడానికి స్మార్ట్‌ సిటీ కార్పొరేషన్ అధికారులు ప్ర‌య‌త్నాలు చేస్తున్నారు. ఈ స్నో పార్కును అన్ని విధాలా ఆకర్షణీయంగా తీర్చిదిద్దాలని ప్రభుత్వం భావిస్తోంది. చిన్నపాటి కృత్రిమ మంచు పర్వతాలను కూడా ఈ పార్కులో ఏర్పాటు చేస్తారు.
దీంతో మంచు పర్వతారోహణ అనుభవాన్ని పొందొచ్చు. సినిమా షూటింగ్‌లూ చేసుకునేలా దీన్ని తీర్చిదిద్దుతారు. ఈ పార్కును విశాఖ బీచ్‌ రోడ్‌లో ఏర్పాటు చేయనున్నట్లు స‌మాచారం. పార్క్‌ హోటల్‌ పక్కన ఉన్న వీఎంఆర్‌డీఏ స్థలంలో ఏర్పాటు చేసే అంశాన్నీ అధికారులు ప‌రిశీలిస్తున్నారు.
ఈ పార్కును దక్షిణ కొరియా సాంకేతిక పరిజ్ఞానంతో ఏర్పాటు చేయనున్నట్లు తెలుస్తోంది. ఈ పార్కు ఏర్పాటుకు స్థలాన్ని అన్వేషిస్తున్నామ‌ని స్మార్ట్‌ సిటీ కార్పొరేషన్ చైర్మన్‌ గన్నమనేని వెంకటేశ్వరరావు కూడా మీడియాకు తెలిపారు. విశాఖలో పర్యాటక రంగంలో పెట్టుబడులు పెట్టేందుకు ప‌లు సంస్థ‌లు ఆస‌క్తి చూపుతున్న‌ట్లు తెలుస్తోంది.
ఇందుకుగాను స్థలం కోసం స్మార్ట్‌ సిటీ కార్పొరేషన్ అధికారులు అన్వేషణ కొన‌సాగిస్తున్నారు. ఎన్నో ప్ర‌త్యేక‌త‌ల‌తో ఈ స్నో పార్కును ఏర్పాటు చేయాలని ప్రభుత్వం భావిస్తోంది. మంచులో బాస్కెట్‌బాల్ ఆట ఆడుకునేలా సౌక‌ర్యాలు క‌ల్పించ‌డంతో పాటు హోటల్‌ను కూడా ఏర్పాటు చేయ‌నున్నారు.
ఇక్కడ మంచు పర్వతారోహణ ఏర్పాట్లు కూడా చేస్తారు. క‌మ్మ‌ని పాట‌లు వింటూ మంచులో ఆడుకోవ‌చ్చు. ఈ పార్కు ఏర్పాటు కోసం డీపీఆర్ తయారుచేయడానికి స్మార్ట్‌ సిటీ కార్పొరేషన్ అధికారులు ప్ర‌య‌త్నాలు చేస్తున్నారు. ఈ స్నో పార్కును అన్ని విధాలా ఆకర్షణీయంగా తీర్చిదిద్దాలని ప్రభుత్వం భావిస్తోంది. చిన్నపాటి కృత్రిమ మంచు పర్వతాలను కూడా ఈ పార్కులో ఏర్పాటు చేస్తారు.
దీంతో మంచు పర్వతారోహణ అనుభవాన్ని పొందొచ్చు. సినిమా షూటింగ్‌లూ చేసుకునేలా దీన్ని తీర్చిదిద్దుతారు. ఈ పార్కును విశాఖ బీచ్‌ రోడ్‌లో ఏర్పాటు చేయనున్నట్లు స‌మాచారం. పార్క్‌ హోటల్‌ పక్కన ఉన్న వీఎంఆర్‌డీఏ స్థలంలో ఏర్పాటు చేసే అంశాన్నీ అధికారులు ప‌రిశీలిస్తున్నారు.
ఈ పార్కును దక్షిణ కొరియా సాంకేతిక పరిజ్ఞానంతో ఏర్పాటు చేయనున్నట్లు తెలుస్తోంది. ఈ పార్కు ఏర్పాటుకు స్థలాన్ని అన్వేషిస్తున్నామ‌ని స్మార్ట్‌ సిటీ కార్పొరేషన్ చైర్మన్‌ గన్నమనేని వెంకటేశ్వరరావు కూడా మీడియాకు తెలిపారు. విశాఖలో పర్యాటక రంగంలో పెట్టుబడులు పెట్టేందుకు ప‌లు సంస్థ‌లు ఆస‌క్తి చూపుతున్న‌ట్లు తెలుస్తోంది.