గొంతు బాగాలేదు... ఓ వారం పాటు మౌన వ్రతం: ప్రకాశ్ రాజ్

ప్రముఖ నటుడు ప్రకాశ్ రాజ్ తన ఆరోగ్య పరిస్థితిపై ట్విట్టర్ లో స్పందించారు. ఆసుపత్రిలో పూర్తిస్థాయిలో వైద్య పరీక్షలు చేయించుకున్నానని వెల్లడించారు. అయితే గొంతులో స్వర తంత్రులకు విశ్రాంతి ఇవ్వాలని, మాట్లాడరాదని డాక్టర్లు సూచించారని తెలిపారు. అంతకుమించి మిగతా ఆరోగ్యానికి ఢోకా లేదని పేర్కొన్నారు. ఈ నేపథ్యంలో ఓ వారం పాటు మౌన వ్రతం తప్పదని, సైగలతోనే నెట్టుకొస్తానని వివరించారు.