మొత్తానికి మెగాస్టార్ ను మెప్పించాను: మారుతి

మారుతి తన కెరియర్ ఆరంభంలో యూత్ ను మాత్రమే దృష్టిలో పెట్టుకుని సినిమాలు చేసేవాడు. ఆ తరువాత మెల్లగా ఆయన ఫ్యామిలీ ఆడియన్స్ కూడా తన సినిమాలకి వచ్చేలా కథలను మార్చుకుంటూ వచ్చాడు. వినోదానికి మాత్రమే ప్రాధాన్యతనిస్తూ ముందుకు వెళుతున్నాడు.

ఆయన తాజా చిత్రమైన 'మంచిరోజులు వచ్చాయి' ఈ రోజున ప్రేక్షకుల ముందుకు వచ్చింది. ఇక గోపీచంద్ తో చేస్తున్న 'పక్కా కమర్షియల్' కూడా ముగింపుదశకి చేరుకుంది. ఈ నేపథ్యంలోనే మారుతి -  చిరంజీవి కాంబినేషన్లో ఒక సినిమా ఉండనుందనే టాక్ వచ్చింది. తాజాగా ఆ విషయాన్ని మారుతి ధ్రువీకరించాడు.

చిరంజీవిగారికి తాను ఒక లైన్ చెప్పాననీ ..  ఆయనకి బాగా నచ్చిందని అన్నాడు. ప్రస్తుతం ఆ సినిమాకి సంబంధించిన స్క్రిప్ట్ పై కూర్చున్నానని చెప్పాడు. తన మార్క్ కామెడీతో పాటు చిరంజీవిగారి నుంచి అభిమానులు ఆశించే అన్ని అంశాలు ఈ కథలో పుష్కలంగా ఉంటాయని చెప్పేసి క్లారిటీ ఇచ్చేశాడు. ఏడాది తరువాత ఈ సినిమా పట్టాలెక్కే ఛాన్స్ ఉంది.