మోహన్ బాబును విమర్శించిన నటి శ్రీనిజపై సస్పెన్షన్ వేటువేసిన 'మా'

మూవీ ఆర్టిస్ట్స్ అసోసియేషన్ (మా)లో ఎన్నడూ జరగని ఘటన చోటు చేసుకుంది. కొత్తగా ఎన్నికైన అసోసియేషన్ సభ్యులు ప్రమాణస్వీకారం చేస్తున్న సమయంలో మోహన్ బాబు, నరేశ్ లపై నటి శ్రీనిజ కొన్ని వ్యాఖ్యలు చేశారు. ఈ వ్యాఖ్యలను 'మా' ఈసీ సీరియస్ గా తీసుకుంది. ఆమెను 'మా' శాశ్వత సభ్యత్వం నుంచి నిరవధికంగా సస్పెండ్ చేసింది.

 అసోసియేషన్ ప్రతిష్టకు భంగం కలిగించారంటూ అక్టోబర్ 16వ తేదీన ఈసీ ఆమెకు ఒక షోకాజ్ నోటీస్ ఇచ్చింది. మూడు రోజుల్లోగా వివరణ ఇవ్వాలని నోటీసుల్లో పేర్కొంది. అయితే ఆమె ఇచ్చిన సమాధానం సంతృప్తిగా లేదంటూ ఆమెను అసోషియేషన్ నుంచి శాశ్వతంగా సస్పెండ్ చేశారు.