అమరావతి నుంచి తిరుమల వరకు జేఏసీ మహా పాదయాత్ర

ఏపీ రాజధాని ప్రాంతం తుళ్లూరులో నేడు అమరావతి జేఏసీ సమావేశం జరిగింది. ఈ సందర్భంగా కీలక నిర్ణయం తీసుకున్నారు. అమరావతి నుంచి తిరుమల వరకు పాదయాత్ర చేయాలని తీర్మానించారు. 'న్యాయస్థానం నుంచి దేవస్థానం' పేరిట చేపట్టనున్న ఈ మహా పాదయాత్ర నవంబరు 1న ప్రారంభం కానుంది.

ఈ పాదయాత్రలో అన్ని వర్గాలకు ప్రాధాన్యత ఇస్తామని జేఏసీ నేతలు తెలిపారు. వైసీపీ ప్రభుత్వం తీసుకున్న తీవ్ర నిర్ణయాలను ప్రజలకు వివరిస్తామని వెల్లడించారు. గ్రామాల్లో ప్రజలకు అవగాహన కలిగించే ప్రయత్నం చేస్తామని పేర్కొన్నారు. ఈ మహా పాదయాత్ర డిసెంబరు 17న ముగుస్తుందని అన్నారు.