విజ‌య‌సాయిరెడ్డి జోకుల‌కు ప్ర‌జ‌లంతా ప‌గ‌ల‌బ‌డి న‌వ్వుకుంటున్నారు: బుద్ధా వెంక‌న్న‌

వైసీపీ ఎంపీ విజ‌య‌సాయిరెడ్డిపై టీడీపీ నేత బుద్ధా వెంక‌న్న మండిప‌డ్డారు. ఇటీవ‌ల విజ‌య‌సాయిరెడ్డి చేసిన వ్యాఖ్య‌ల‌ను ఆయ‌న‌ ప్ర‌స్తావించారు. ఈ రోజు బుద్ధా వెంక‌న్న మీడియాతో మాట్లాడుతూ... రాష్ట్రంలో ఎవ‌రైనా భూ ఆక్ర‌మ‌ణ‌ల‌కు పాల్ప‌డితే ఫిర్యాదు చేయాల‌ని విజ‌య‌సాయ‌రెడ్డి అన్నారని, ఆ జోకుల‌కు ప్ర‌జ‌లంతా ప‌గ‌ల‌బ‌డి న‌వ్వుకుంటున్నారని బుద్ధా వెంక‌న్న ఎద్దేవా చేశారు.

ఓ ప‌క్క అవినీతికి పాల్ప‌డుతూ, మ‌రోప‌క్క ఫిర్యాదులు చేయాలంటూ వ్యాఖ్య‌లు చేస్తున్నార‌ని అన్నారు. విజ‌య‌సాయిరెడ్డి అవినీతిపై జ‌గ‌దాంబ సెంట‌ర్‌లో చ‌ర్చ‌కు సిద్ధమ‌ని, ఆయ‌న అక్క‌డ‌కు రావాల‌ని స‌వాలు విసిరారు.