దేశంలో క్ర‌మంగా పెరుగుతోన్న క‌రోనా కేసులు

దేశంలో క‌రోనా కేసుల సంఖ్య మళ్లీ క్ర‌మంగా పెరుగుతోంది. మొన్న‌ 42,982 క‌రోనా కేసులు న‌మోదు కాగా, నిన్న 44,643 కేసులు న‌మోద‌య్యాయ‌ని కేంద్ర వైద్య, ఆరోగ్య మంత్రిత్వ శాఖ ప్ర‌క‌టించింది. అలాగే, 24 గంట‌ల్లో 41,096 మంది కోలుకున్నారు. దేశంలో నమోదైన మొత్తం కరోనా కేసుల సంఖ్య 3,18,56,757కు చేరింది.

ఇక మరణాల విషయానికొస్తే... నిన్న 464 మంది క‌రోనాతో ప్రాణాలు కోల్పోయారు. దీంతో మృతుల సంఖ్య మొత్తం 4,26,754కు పెరిగింది. దేశంలో కరోనా నుంచి ఇప్పటివరకు 3,10,15,844 మంది కోలుకున్నారు. 4,14,159 మందికి ప్రస్తుతం ఆసుపత్రులు, హోం క్వారంటైన్‌లలో చికిత్స అందుతోంది. ఇప్ప‌టివ‌ర‌కు మొత్తం 49,53,27,595 వ్యాక్సిన్ డోసులు వేశారు.