టోక్యో ఒలింపిక్స్.. ఎయిర్ పిస్టల్ మిక్స్‌డ్ టీంలో భారత్‌కు నిరాశ
- స్టేజ్-1లో అద్భుత ప్రదర్శనతో ఆశలు రేపిన సౌరభ్-మనుబాకర్ జోడి
- స్టేజ్-2లో ఏడో స్థానంలో నిలిచిన వైనం
- పతకం ఆశలు గల్లంతు
టోక్యో ఒలింపిక్స్‌లో భారత్‌కు మరో నిరాశ ఎదురైంది. 10 మీటర్ల ఎయిర్ పిస్టల్ మిక్స్‌డ్ టీంలో సౌరభ్ చౌదరి, మనుబాకర్ తీవ్రంగా నిరాశ పరిచారు. క్వాలిఫికేషన్ స్టేజ్-1లో అగ్రస్థానంలో నిలిచి పతకం ఆశలు రేపిన వీరిద్దరూ.. స్టేజ్-2లో రాణించలేకపోయారు. ఈ స్టేజిలో మొత్తం 8 జట్లు పాల్గొనగా, భారత జోడీ కింది నుంచి రెండో స్థానంలో నిలిచింది. ఫలితంగా తదుపరి మ్యాచ్‌లకు అర్హత సాధించలేకపోయింది.