నేను రాజీనామా చేయలేదు.. చేయబోను: రఘురామరాజు స్పష్టీకరణ

ఎంపీ పదవికి తాను రాజీనామా చేసినట్టు వస్తున్న వార్తలపై నర్సాపురం వైసీపీ ఎంపీ రఘురామకృష్ణరాజు స్పందించారు. ఈ వార్తల్లో ఎంతమాత్రమూ నిజం లేదని స్పష్టం చేశారు. ఎవరు ఎన్ని ప్రచారాలు చేసినా ఎంపీ పదవికి రాజీనామా చేసేది లేదని తేల్చి చెప్పారు. తనపై వచ్చిన ఆరోపణలు పూర్తిగా అవాస్తవమన్నారు. వాటిపై తాను స్పీకర్‌కు వివరణ ఇస్తానని పేర్కొన్నారు.

వైసీపీ ఎంపీలు పార్లమెంటులో రాష్ట్ర సమస్యలను లేవనెత్తడంలో విఫలమయ్యారని విమర్శించారు. ఎవరో భయపెట్టినట్టు సభలో వారు బెరుకుగా కనిపించారని అన్నారు. ఢిల్లీలో విలేకరులతో మాట్లాడుతూ ఆయనీ వ్యాఖ్యలు చేశారు.