గుజరాత్‌లో అమానుషం.. ప్రియుడితో పారిపోయిందని వివాహితను నగ్నంగా ఊరేగించిన కుటుంబ సభ్యులు

గుజరాత్‌లోని దహోడ్ జిల్లాలో అమానవీయ ఘటన చోటుచేసుకుంది. ప్రియుడితో వెళ్లిపోయిన భార్యను పట్టుకున్న భర్త.. కుటుంబ సభ్యులతో కలిసి నగ్నంగా ఊరేగించాడు. గత నెలలో జరిగిన ఈ ఘటనకు సంబంధించిన వీడియో తాజాగా సోషల్ మీడియాలో వైరల్ కావడంతో స్పందించిన పోలీసులు కేసు నమోదు చేసి దర్యాప్తు చేపట్టారు.

వారి కథనం ప్రకారం.. జిల్లాలోని ఓ గిరిజన ప్రాంతానికి చెందిన వివాహిత (23) గత నెలలో మరో వ్యక్తితో కలిసి వెళ్లిపోయింది. భర్త, కుటుంబ సభ్యులు గాలించి మొత్తానికి ఆమె ఆచూకీ తెలుసుకున్నారు. అనంతరం గ్రామానికి తీసుకొచ్చారు. ఈ నెల పెద్దల సమక్షంలో 6న పంచాయితీ పెట్టారు. పారిపోయినందుకు శిక్షగా భర్త, అతడి కుటుంబ సభ్యులు ఆమెను తీవ్రంగా కొట్టడంతోపాటు నగ్నంగా గ్రామంలో ఊరేగించారు. ఈ ఘటనకు సంబంధించి బాధితురాలి భర్తతోపాటు 18 మందిని అరెస్ట్ చేశారు.