'సంకల్ప్ పత్ర' పేరుతో బెంగాల్ ఎన్నికల మేనిఫెస్టో విడుదల చేసిన బీజేపీ

పశ్చిమ బెంగాల్ అసెంబ్లీ ఎన్నికలు ఈ నెల 27 నుంచి ఏప్రిల్ 29 వరకు 8 విడతల్లో జరగనున్నాయి. బెంగాల్ అధికార పీఠాన్ని చేజిక్కించుకోవాలన్న దృఢనిశ్చయంతో ప్రచారం నిర్వహిస్తున్న బీజేపీ ఇవాళ మేనిఫెస్టో విడుదల చేసింది. 'సంకల్ప్ పత్ర' పేరుతో రూపొందించిన ఈ మేనిఫెస్టోను కేంద్ర హోంశాఖ మంత్రి అమిత్ షా కోల్ కతాలో విడుదల చేశారు.

బీజేపీ మేనిఫెస్టో ముఖ్యాంశాలు...

• బెంగాల్ రైతులకు ఏటా రూ.4 వేల ఆర్థికసాయం
• కేంద్రం ఇచ్చే రూ.6 వేలతో కలిపి ఏటా రూ.10 వేలు అందజేత
• శరణార్థుల కుటుంబాలకు ఏటా రూ.10 వేల ఆర్థికసాయం
• 70 ఏళ్లుగా బెంగాల్ లో ఉంటున్న వారికి పౌరసత్వం
• 33 శాతం ఉద్యోగాలు మహిళలకు కేటాయింపు
• రాష్ట్రంలో బాలికలకు కేజీ నుంచి పీజీ వరకు ఉచిత విద్య
• మత్స్యకారులకు ఏటా రూ.6 వేల ఆర్థికసాయం
• బెంగాల్ లో మూడు చోట్ల ఎయిమ్స్ ఆసుపత్రులు
• రూ.11 వేల కోట్లతో 'సోనార్ బంగ్లా' నిధి ఏర్పాటు
•  రూ.22 వేల కోట్లతో కోల్ కతా అభివృద్ధి నిధి 
• రూ.1000 కోట్లతో సరికొత్త టూరిజం పాలసీ
• రాష్ట్రంలో క్రీడా విశ్వవిద్యాలయం ఏర్పాటు
• క్రీడల అభివృద్ధికి రూ.2000 కోట్లు
• ఐఐటీలు, ఐఐఎంలకు దీటైన 5 యూనివర్సిటీల స్థాపన
• ఆశా వర్కర్ల కనీసం వేతనం రూ.4,500 నుంచి రూ.6 వేలకు పెంపు