అనుష్క శర్మ సెల్ఫీ... ఇంత ఫిట్ నెస్ ఎలా సాధ్యమంటూ నెటిజన్ల ప్రశ్న!

ఇటీవల పండంటి పాపను కన్న విరాట్ కోహ్లీ భార్య అనుష్క శర్మ తన తాజా చిత్రాన్ని నెట్టింట పోస్ట్ చేయగా వైరల్ అయింది. జనవరి 11న విరుష్క జంటకు పాప జన్మించిన సంగతి తెలిసిందే. ఆపై ఈ దంపతులు 2వ తేదీన పాపను చేతుల్లోకి తీసుకుని దిగిన చిత్రాన్ని విడుదల చేశారుగానీ, అందులో పాప ముఖం మాత్రం కనిపించలేదు. పాపకు వామిక అని పేరును పెట్టుకున్నారు విరాట్, అనుష్కలు.

ఇక తాజాగా, ఓ అద్దం ముందు నిలబడి దిగిన సెల్ఫీని అనుష్క షేర్ చేసుకుంది. ఇది తన ఫేవరెట్ అని కూడా పేర్కొంది. ఈ పిక్ ను చూసిన నెటిజన్లంతా ఆశ్చర్యాన్ని వ్యక్తం చేస్తున్నారు. కాన్పు తరువాత ఇంత ఫిట్ నెస్ ఎలా సాధ్యమైందని ప్రశ్నిస్తున్నారు. ఆ రహస్యాన్ని తమకూ చెప్పాలని కోరుతూ ఆశ్చర్యాన్ని వ్యక్తం చేస్తున్నారు.