బ్రదర్ అనిల్ కుమార్ తో పాస్టర్ ప్రవీణ్ చక్రవర్తికున్న అనుబంధాన్ని బహిర్గతం చేయాలి: వర్ల రామయ్య

ఏపీలోని ఆలయాలపై తానే దాడులకు పాల్పడ్డానంటూ పాస్టర్ ప్రవీణ్ చక్రవర్తి చేసిన వ్యాఖ్యలు కలకలం రేపాయి. దీంతో అతనిని పోలీసులు అరెస్ట్ చేశారు. ఈ నేపథ్యంలో టీడీపీ సీనియర్ నేత వర్ల రామయ్య తీవ్ర ఆరోపణలు చేశారు. ట్విట్టర్ ద్వారా ఆయన స్పందిస్తూ పాస్టర్ ప్రవీణ్ చక్రవర్తి ఇంటిలో సీఐడీ సేకరించిన సాక్ష్యాలను వెంటనే బహిర్గతం చేయాలని డిమాండ్ చేశారు.

ఆ ఆధారాలు సజ్జల రామకృష్ణారెడ్డి ముందుకు వెళ్తే తారుమారవుతాయని అన్నారు. రాష్ట్ర డీజీపీ గౌతమ్ సవాంగ్ ఈ కేసులో తన చిత్తశుద్ధిని నిరూపించుకోవాలని వ్యాఖ్యానించారు. ప్రవీణ్ కున్న రాజకీయ సంబంధాలను  తేల్చాలని అన్నారు. బ్రదర్ అనిల్ కుమార్ తో ఉన్న అనుబంధాన్ని బహిర్గతం చేయాలని డిమాండ్ చేశారు.