త్రివిక్ర‌మ్ ను క‌లిసిన జూనియ‌ర్ ఎన్టీఆర్.. కొత్త సినిమాపై చ‌ర్చ‌

'అరవింద సమేత..' వంటి సూప‌ర్ హిట్ సినిమా తర్వాత త్రివిక్ర‌మ్, జూనియ‌ర్ ఎన్టీఆర్ కాంబినేషన్ మ‌ళ్లీ రిపీట్ అవుతున్న విష‌యం తెలిసిందే. 'అరవింద సమేత..' తర్వాత త్రివిక్ర‌మ్ బ‌న్నీతో చేసిన 'అల.. వైకుంఠపురములో' సినిమా కూడా భారీ విజ‌యాన్ని  న‌మోదు చేసుకుంది. ఇప్పుడు త్రివిక్ర‌మ్ మ‌రోసారి తారక్ తో సినిమా చేయనున్న నేప‌థ్యంలో ఈ సినిమాపై కూడా భారీ అంచ‌నాలు ఉన్నాయి.

పొలిటికల్ బ్యాక్ డ్రాప్ లో రూపుదిద్దుకోబోతున్న త్రివిక్ర‌మ్-ఎన్టీఆర్ సినిమాపై అభిమానులు ఆస‌క్తిగా ఉన్నారు. ఈ నేప‌థ్యంలో వారిద్ద‌రు క‌లిసి చ‌ర్చ‌లు జ‌రిపారు. వారి కాంబినేష‌న్ లో రానున్న ఈ సినిమాకు‌  'అయినను పోయి రావలె హస్తినకు'  టైటిట్ ఫిక్స్ చేసిన‌ట్లు తెలుస్తోంది.

ఈ నేప‌‌థ్యంలో వీరిద్ద‌రు క‌లిసిన ఈ ఫొటోను హారిక అండ్ హాసిని క్రియేష‌న్స్ త‌మ ట్విట్ట‌ర్ ఖాతాలో పోస్ట్ చేసింది. ఈ సినిమాను హారిక అండ్ హాసిని క్రియేషన్స్, ఎన్టీఆర్ ఆర్ట్స్ బ్యానర్లపై ఎస్.రాధాకృష్ణ, నందమూరి కల్యాణ్ ‌రామ్ నిర్మిస్తున్నారు. ఈ సినిమాకు తమన్ సంగీతం అందిస్తున్నారు.