అయ్యా సవాంగ్ గారూ... ఫ్రెండ్లీ పోలీసింగ్ అంటే ఇదేనా?: వర్ల రామయ్య

ఏపీ డీజీపీ గౌతమ్ సవాంగ్ పై టీడీపీ పొలిట్ బ్యూరో సభ్యుడు వర్ల రామయ్య ధ్వజమెత్తారు. 'అయ్యా సవాంగ్ గారూ, పోలీసులపై ప్రతిపక్షాల ఆరోపణలు పట్టించుకోము..' అని చెప్పడం దారుణం అని విమర్శించారు. ప్రతిపక్షాల ఫిర్యాదులపై నిజానిజాలు వెలికితీస్తామని చెప్పవలసిన మీరు, ఆ ఆరోపణలను పట్టించుకోము అని అనడం బాధ్యతారాహిత్యమని ఆరోపించారు. మీ వ్యాఖ్యలతో పరోక్షంగా పోలీసులను ప్రతిపక్షాలపైకి రెచ్చగొట్టడమే కదా? అని వర్ల రామయ్య వ్యాఖ్యానించారు. ఇదేనా మీ ఫ్రెండ్లీ పోలీసింగ్? అని ప్రశ్నించారు.