టాలీవుడ్ నిర్మాత బన్నీ వాసు సోదరుడు అనారోగ్యంతో మృతి

ప్రముఖ నిర్మాత బన్నీ వాసు కుటుంబంలో విషాదం చోటుచేసుకుంది. బన్నీ వాసు అన్నయ్య సురేశ్ తీవ్ర అనారోగ్యంతో మరణించారు. సురేశ్ కు రెండు కిడ్నీలు వైఫల్యం చెందడంతో కొంతకాలంగా బెంగళూరులోని ఓ ప్రైవేటు ఆసుపత్రిలో చికిత్స పొందుతున్నారు. అయితే పరిస్థితి విషమించడంతో గత రాత్రి ఆసుపత్రిలోనే తుదిశ్వాస విడిచారు. సురేశ్ ఇంజనీరింగ్ పట్టభద్రుడు. వాహనాలకు సంబంధించిన సీఎన్జీ కన్వెర్షన్ కిట్ తయారీ రంగంలో ఎంతో గుర్తింపు తెచ్చుకున్నారు. సురేశ్ స్వస్థలం పశ్చిమ గోదావరి జిల్లా పాలకొల్లు. సురేశ్ కు భార్య, ఒక కుమారుడు ఉన్నారు.