ఈ విగ్రహం చూస్తుంటే మా అన్నయ్య తిరిగొచ్చినట్లుంది: సుశాంత్ సోదరి శ్వేత

బాలీవుడ్ యంగ్‌ హీరో సుశాంత్‌ సింగ్‌ రాజ్‌పుత్‌ మృతి కేసులో కేంద్ర దర్యాప్తు బృందం విచారణ కొనసాగుతోన్న విషయం తెలిసిందే. ఆయన మృతి కేసు దేశ వ్యాప్తంగా చర్చనీయాంశమైంది. ఈ నేపథ్యంలో పశ్చిమ బెంగాల్‌లో ఓ కళాకారుడు సుశాంత్ మైనపు విగ్రహాన్ని రూపొందించగా అందుకు సంబంధించిన వీడియోను సుశాంత్ సోదరి శ్వేతా సింగ్ చూసింది. ఈ వీడియోను ఆమె తన ట్విట్టర్ ఖాతాలో పోస్ట్ చేస్తూ.. ‌ భావోద్వేగభరిత వ్యాఖ్య చేసింది.

'ఈ విగ్రహం చూస్తుంటే మా అన్నయ్య తిరిగొచ్చినట్లుంది' అని ఆమె పేర్కొంది. ఈ విగ్రహాన్ని రూపొందించిన కళాకారుడు సుశాంత రాయ్‌ (64)కి ధన్యవాదాలు తెలుపుతున్నట్లు ఆమె తెలిపింది. కాగా, ఈ విగ్రహాన్ని త్వరలోనే ఓ మ్యూజియంలో పెట్టనున్నారు. దీన్ని నెలన్నరపాటు కష్టపడి తయారు చేశారు.

తనకు ఎమోషనల్‌గా దగ్గరైన వ్యక్తుల విగ్రహాలతో పాటు తనలో స్ఫూర్తి నింపిన ప్రముఖుల విగ్రహాలను తాను రూపొందిస్తుంటానని సుశాంత రాయ్‌ తెలిపారు. సుశాంత్ కూడా అటువంటి వ్యక్తేనని, అయితే, ఈ విగ్రహాన్ని చూసేందుకు ఆయన లేకపోవడం పట్ల విచారం వ్యక్తం చేస్తున్నానని అన్నారు.