తల్లీ నువ్వు వేసిన డ్రాయింగ్ చాలా చక్కగా ఉందమ్మా... నిన్ను తప్పకుండా కలుస్తాను: పవన్ కల్యాణ్
- పవన్ చిత్రం గీసిన దివ్యాంగురాలు స్వప్న
- రెండు చేతులు లేని స్వప్న
- పవన్ కు బర్త్ డే విషెస్ తెలిపిన వైనం
విశాఖకు చెందిన స్వప్న అనే దివ్యాంగురాలు చేతులు లేకపోయినా నోటితోనే పెన్సిల్ తో పవన్ కల్యాణ్ చిత్రాన్ని డ్రాయింగ్ వేసింది. ఆ పెన్సిల్ ఆర్ట్ చిత్రపటం పవన్ కల్యాణ్ దృష్టికి వచ్చింది. దీనిపై ఆయన ట్వీట్ చేశారు. బంగారు తల్లి స్వప్న అంటూ పవన్ ఎంతో ఆత్మీయంగా స్పందించారు. "నువ్వు వేసిన డ్రాయింగ్ చాలా చక్కగా ఉంది తల్లీ. ఈ డ్రాయింగ్ ను జనసైనికులు నా దృష్టికి తీసుకువచ్చారు. నేను విశాఖపట్నం వచ్చినప్పుడు నిన్ను తప్పకుండా కలుస్తాను... జాగ్రత్త అమ్మ!" అంటూ వ్యాఖ్యానించారు. కాగా, దివ్యాంగురాలు స్వప్న పవన్ కు బర్త్ డే విషెస్ చెబుతున్న వీడియో నెట్టింట సందడి చేస్తోంది.