చంద్రబాబు, ఉమలపై ఓ రేంజిలో విరుచుకుపడిన కొడాలి నాని

వైసీపీ మంత్రి కొడాలి నాని టీడీపీ అధ్యక్షుడు చంద్రబాబునాయుడుపై తీవ్రస్థాయిలో ధ్వజమెత్తారు. చంద్రబాబునాయుడు ఒళ్లు దగ్గరపెట్టుకోవాలని, కరోనా నుంచి తప్పించుకోవడంపై దృష్టి పెట్టుకోవాలని, అంతే తప్ప తమ ముందుకొచ్చి చిటికెలు వేయడం మానుకోవాలని హెచ్చరించారు.

 చంద్రబాబు ఓ దళారి అని, రైతుల నుంచి తక్కువకు కొని హెరిటేజ్ లో అమ్ముకుంటుంటాడని విమర్శించారు. హుద్ హుద్ తుపానుకు ఎదురెళ్లానని చెప్పుకుంటున్న చంద్రబాబు కరోనాను చూసి ఎందుకు పారిపోతున్నారని ప్రశ్నించారు. ఈ సందర్భంగా కొడాలి నాని మాజీమంత్రి దేవినేని ఉమను కూడా వదల్లేదు. తనను బూతుల మంత్రి అనడంపై మండిపడ్డారు. తాను బూతులు తిడితే చంద్రబాబు, దేవినేని ఉమ బతికుంటారా? అని ఆగ్రహం వ్యక్తం చేశారు.