ఈ రోజుల్లో ఇలాంటి భర్త ఉన్నాడంటే... నిజంగా నమ్మలేరు!

కర్ణాటకకు చెందిన శ్రీనివాస్ గుప్తా అనే వ్యక్తి కొన్నాళ్ల కిందట తన భార్యను కోల్పోయారు. అయితే, భార్యను మర్చిపోలేని ఆయనకు ఓ ఆలోచన వచ్చింది. వెంటనే దాన్ని ఆచరణలో పెట్టారు. తన భార్య రూపురేఖలతో ఓ మైనపు బొమ్మ తయారుచేయించారు. ఇటీవల గృహప్రవేశం సందర్భంగా ఆ విగ్రహాన్ని ప్రదర్శించారు. గృహప్రవేశం వేడుకలో భార్య కూడా తన పక్కనే ఉందన్న భావనతో ఆయన ఎంతో సంతోషానికి లోనయ్యారు. ఈ సందర్భంగా శ్రీనివాస్ గుప్తా కుటుంబ సభ్యులు ఆ మైనపు బొమ్మతో ఫొటోలు దిగి తమ ఆనందాన్ని వ్యక్తం చేశారు. శ్రీనివాస్ గుప్తా భార్య కొన్నాళ్ల కిందట ఓ రోడ్డు ప్రమాదంలో కన్నుమూశారు. భార్యతో ఎంతో అనుబంధం ఉన్న ఆయన చాలా రోజుల పాటు కోలుకోలేకపోయారు. అయితే, మైనపు విగ్రహం చేయించిన తర్వాత భార్యను అందులో చూసుకుంటూ మునుపటిలా ఉత్సాహంగా ఉంటున్నారట.