నేటి నుంచే సాగర్‌ ఆయకట్టు రైతులకు పూర్తిస్థాయిలో నీటి విడుదల: కేసీఆర్ కీలక‌ నిర్ణయం

తెలంగాణ ముఖ్యమంత్రి కేసీఆర్ కీలక నిర్ణయం తీసుకున్నారు. నాగార్జున సాగర్‌ ఆయకట్టు రైతులకు పూర్తిస్థాయిలో నీటిని విడుదల చేయాలని‌ నీటిపారుదల శాఖ అధికారులను ఆయన ఆదేశించారని తెలంగాణ సీఎంవో ట్విట్టర్ ద్వారా తెలిపింది. ఈ రోజు నుంచే నీటి విడుదల ప్రారంభం కావాలని నాగార్జున సాగర్ సీఈని ఆదేశించారని వివరించింది.

'కృష్ణానది ఎగువన నీటి ప్రవాహం ఆశాజనకంగా ఉన్నందున, ఈ సారి వర్షాలు సమృద్ధిగా కురిసే అవకాశం ఉన్నందున నల్లగొండ, ఖమ్మం జిల్లాల పరిధిలో ఉన్న సాగర్‌ ఆయకట్టు రైతులకు ఈ వానాకాలం పంటలకు పూర్తిస్థాయిలో నీటిని విడుదల చేయాలని నిర్ణయించినట్లు సీఎం చెప్పారు' అని తెలంగాణ సీఎంవో ట్వీట్ చేసింది.