‘బాబ్రీ’ కేసులో అద్వానీ, మురళీ మనోహర్ జోషి వాంగ్మూలాలను నమోదు చేయనున్న సీబీఐ ప్రత్యేక కోర్టు

అయోధ్యలో బాబ్రీ మసీదు కూల్చివేతకు సంబంధించిన కేసులో నిందితులైన బీజేపీ సీనియర్ నేత, మాజీ ఉప ప్రధాని అయిన ఎల్‌కే అద్వానీతోపాటు, ఆ పార్టీ సీనియర్ నేత మురళీ మనోహర్ జోషి వాంగ్మూలాలను సీబీఐ ప్రత్యేక కోర్టు నమోదు చేయనుంది. 23న వీడియో కాన్ఫరెన్స్ ద్వారా జోషి వాంగ్మూలాన్ని నమోదు చేయనుండగా, 24న అద్వానీ వాంగ్మూలాన్ని నమోదు చేయనున్నారు. ఈ మేరకు ప్రత్యేక న్యాయమూర్తి ఎస్‌కే యాదవ్ తన ఉత్తర్వుల్లో పేర్కొన్నారు. బాబ్రీ కూల్చివేత కేసులో ఆగస్టు 31లోగా తీర్పు ఇవ్వాల్సిందిగా ప్రత్యేక కోర్టును సుప్రీంకోర్టు గతంలో ఆదేశించింది. ఈ నేపథ్యంలో ఈ కేసులో నిందితులుగా ఉన్న 32 మంది వాంగ్మూలాలను కోర్టు నమోదు చేస్తోంది.