మరో చిత్రానికి ఓకే చెప్పిన శేఖర్ కమ్ముల!

దర్శకుడు శేఖర్ కమ్ముల నెక్ట్స్ తీయబోయే సినిమాపై స్పష్టత వచ్చింది. ఫిదా చిత్రం తర్వాత శేఖర్ కమ్ముల 'లవ్ స్టోరీ' పేరిట నాగచైతన్య, సాయిపల్లవితో చిత్రం చేస్తున్నాడు. ఇప్పుడాయన మరో సినిమాకు అంగీకారం తెలిపారు. ఓ అందమైన ప్రేమకథను తెరకెక్కించేందుకు సన్నాహాలు చేస్తున్నారు. ఈ చిత్రానికి కూడా 'లవ్ స్టోరీ' నిర్మాత నారాయణదాస్ నారంగ్ నిర్మాతగా వ్యవహరిస్తారు. కాగా, ఈ లవ్ సబ్జెక్ట్ కోసం శేఖర్ కమ్ముల ఓ స్టార్ హీరోను తీసుకోవాలని భావిస్తున్నట్టు తెలుస్తోంది. త్వరలోనే దీనిపై అధికారిక ప్రకటన రానుంది.