విశాఖలో 1500 ఇళ్లను ఖాళీ చేయించాం: జీవీఎంసీ కమిషనర్ సృజన
- ఖాళీ చేయించిన వారిని సురక్షిత ప్రాంతాలకు తరలించాం
- 180 మంది బాధితులకు కేజీహెచ్ లో చికిత్స అందిస్తున్నాం
- మరో 40 మందిని అపోలో ఆసుపత్రికి తరలించాం
విశాఖ లో గ్యాస్ లీకేజ్ ఘటన నేపథ్యంలో దాదాపు 1500 ఇళ్లల్లోని వారిని ఖాళీ చేయించామని జీవీఎంసీ కమిషనర్ సృజన తెలిపారు. ఖాళీ చేయించిన వారిని సురక్షిత ప్రాంతాలకు తరలించామని చెప్పారు. ఈ ఘటనకు సంబంధించి 180 మంది బాధితులు కేజీహెచ్ లో చికిత్స పొందుతున్నారని, మరో 40 మందిని అపోలో ఆసుపత్రికి తరలించినట్టు తెలిపారు. ముగ్గురు బాధితులకు వెంటిలేటర్లపై చికిత్స అందిస్తున్నామని అన్నారు. కాగా, ఈ ఘటనలో బాధితులను పరామర్శించే నిమిత్తం వైజాగ్ కు సీఎం జగన్ బయలుదేరారు.