పేద కళాకారులకు పది రోజులకు సరిపడా నిత్యావసరాలు అందించిన హీరో రాజశేఖర్

కరోనా మహమ్మారి విజృంభణతో దేశవ్యాప్తంగా సినిమా షూటింగులు, టీవీ సీరియళ్ల చిత్రీకరణ నిలిచిపోయిన సంగతి తెలిసిందే. షూటింగులు రద్దవడంతో అనేకమంది పేద కళాకారులు, కార్మికులు తీవ్ర ఇబ్బందులు ఎదుర్కొంటున్నారు. వారిపట్ల హీరో రాజశేఖర్ సానుభూతితో స్పందించారు. చిత్రపరిశ్రమకు చెందిన పేద కళాకారులు, పలు విభాగాలకు చెందిన కార్మికులకు ఆయన తన చారిటబుల్ ట్రస్ట్ ద్వారా ఆపన్నహస్తం అందించారు. వారికి పది రోజులకు సరిపడా నిత్యావసర వస్తువులు పంపిణీ చేశారు.