'లవ్ స్టోరీ' విడుదల తేదీ దాదాపు ఖరారైనట్టే

శేఖర్ కమ్ముల దర్శకత్వంలో నాగచైతన్య - సాయిపల్లవి జంటగా 'లవ్ స్టోరీ' రూపొందుతోందనే సంగతి తెలిసిందే. విభిన్నమైన ప్రేమకథాంశంతో ఈ సినిమా నిర్మితమవుతోంది. ఏప్రిల్ 14వ తేదీన ఈ సినిమాను విడుదల చేయనున్నట్టుగా వార్తలు వచ్చాయి. ఆ తరువాత వాయిదా పడుతుందనే టాక్ వచ్చింది. ఈ నేపథ్యంలో ఈ సినిమాను ఎప్పుడు విడుదల చేయాలనుకుంటున్నారనే విషయంలో అభిమానులు అయోమయానికి లోనవుతున్నారు.

'లవ్ స్టోరీ' దర్శక నిర్మాతలు మాత్రం రెండు డేట్లు పరిశీలిస్తున్నారట. మే 9వ తేదీ .. మే 29వ తేదీ. ఈ రెండు తేదీలలో ఏ రోజునైతే బాగుంటుందనే విషయంలో తర్జన భర్జనలు జరిగిన తరువాత, మే 29వ తేదీన విడుదల చేయడమే అన్ని విధాలా మంచిదనే నిర్ణయానికి వచ్చినట్టుగా చెప్పుకుంటున్నారు. 'ఫిదా' తరువాత శేఖర్ కమ్ముల - సాయిపల్లవి కాంబినేషన్లో వస్తున్న సినిమా కావడంతో, ఈ సినిమా పట్ల అందరిలోను ఆసక్తి వుంది.