సుకుమార్ తో కలిసి కేరళ అడవులకు బన్నీ

కొన్ని రోజులుగా బన్నీ 'అల వైకుంఠపురములో' సినిమా హిట్ ను ఎంజాయ్ చేస్తున్నాడు. కొంత గ్యాప్ తరువాత బన్నీ ఖాతాలో సరైన హిట్ పడటం పట్ల ఆయన అభిమానులు కూడా ఫుల్ ఖుషీ అవుతున్నారు. ఈ క్రమంలో మరికొన్ని రోజుల్లో తన తదుపరి చిత్రం షూటింగ్ కోసం కేరళ అడవులకు వెళ్లడానికి బన్నీ సిద్ధమవుతున్నాడు.

సుకుమార్ దర్శకత్వంలో రూపొందుతున్న ఈ చిత్రం ఎర్ర చందనం రహస్య రవాణ నేపథ్యంలో నడవనుంది. ఈ సినిమాలో బన్నీ ద్విపాత్రాభినయం చేయనున్నట్టుగా వార్తలు వస్తున్నాయి. ఒక కథానాయికగా రష్మికను ఎంపిక చేసుకున్నారు. ఈ కథ చిత్తూరు అడవి నేపథ్యంలో నడుస్తుంది. అయితే కొన్ని కారణాల వలన సంబంధిత సన్నివేశాలను కేరళ అడవుల్లో చిత్రీకరించనున్నారు. మార్చి 13వ తేదీ నుంచి తాజా షెడ్యూల్ షూటింగ్ మొదలుకానుంది. ఇందులో రాయలసీమ యాసలో బన్నీ మాట్లాడనుండటం విశేషం. దేవిశ్రీ ప్రసాద్ సంగీతం ఈ సినిమాకి హైలైట్ గా నిలుస్తుందని అంటున్నారు.