Abids Hyderabad: ఆబిడ్స్‌లో కుప్పకూలిన భారీ క్రేన్.. పలు వాహనాలు ధ్వంసం
- ఆబిడ్స్‌లో ప్రమాదవశాత్తు కుప్పకూలిన భారీ క్రేన్
- అక్కడ ఉన్న వాహనాలు ధ్వంసం
- పెనుప్రమాదం తప్పడంతో ఊపిరిపీల్చుకున్న అధికారులు
హైదరాబాద్‌లోని ఆబిడ్స్‌లో పెను ప్రమాదం తప్పింది. ఓ భారీ భవన నిర్మాణంలో వినియోగిస్తున్న క్రేన్ ఒక్కసారిగా కుప్పకూలింది. ఈ ఘటనలో అక్కడ నిలిపి ఉంచిన పలు వాహనాలు ధ్వంసమయ్యాయి. అయితే, ప్రమాదం జరిగిన సమయంలో ఆ ప్రాంతంలో ప్రజలెవరూ లేకపోవడంతో ప్రాణనష్టం తప్పింది.
దీంతో అధికారులు, స్థానికులు ఊపిరి పీల్చుకున్నారు. వాహనాలు ధ్వంసం కావడంతో భారీగా నష్టం వాటిల్లిందని తెలుస్తోంది. ఈ ఘటనతో పరిసర ప్రాంతాల ప్రజలు భయాందోళనలకు గురయ్యారు.
