Rambha: పెళ్లి రోజున తిరుమల శ్రీవారిని దర్శించుకున్న రంభ

ప్రముఖ నటి రంభ, తమ 15వ వివాహ వార్షికోత్సవం సందర్భంగా తిరుమల శ్రీ వేంకటేశ్వర స్వామిని దర్శించుకున్నారు. తన భర్తతో కలిసి మంగళవారం ఉదయం ఆమె శ్రీవారిని దర్శించుకుని ప్రత్యేక పూజలు చేశారు.

వివాహ వార్షికోత్సవం రోజున స్వామివారి ఆశీస్సులు తీసుకోవడం ఎంతో సంతోషంగా ఉందని రంభ తెలిపారు. ఈ సందర్భంగా ఆమె మాట్లాడుతూ... "మా పెళ్లి రోజున శ్రీవారిని దర్శించుకోవడం చాలా ఆనందంగా ఉంది. స్వామివారి దయతో మేమిద్దరం ఎల్లప్పుడూ సంతోషంగా ఉండాలని కోరుకుంటున్నాను" అని అన్నారు.

స్వామివారి దర్శనం అనంతరం ఆలయ అధికారులు రంభకు తీర్థ ప్రసాదాలు అందజేశారు. రంభ వెంట కుటుంబ సభ్యులు కూడా ఉన్నారు. కాగా, రంభ చాలా కాలం తర్వాత మళ్లీ సినిమాల్లో నటిస్తారనే వార్తలు వినిపిస్తున్నాయి. దీని గురించి ఆమె అధికారికంగా ప్రకటించాల్సి ఉంది.