Police Officer Death: సిరిసిల్లలో లిఫ్ట్ ప్రమాదంలో పోలీస్ ఉన్నతాధికారి మృతి
- ఓ బిల్డింగ్ లో లిఫ్ట్ ప్రమాదం
- లిఫ్ట్ వచ్చిందనుకుని అడుగుపెట్టిన పోలీస్ అధికారి
- దుర్మరణం పాలైన టీజీఎస్పీ 17వ బెటాలియన్ అడిషనల్ కమాండెంట్
- గతంలో తెలంగాణ సచివాలయం చీఫ్ సెక్యూరిటీ ఆఫీసర్ గా పనిచేసిన గంగారామ్
రాజన్న సిరిసిల్ల జిల్లాలో ఓ పోలీసు ఉన్నతాధికారి లిఫ్ట్ ప్రమాదంలో మరణించారు. సిరిసిల్లలోని ఓ బిల్డింగ్ లో లిఫ్ట్ వచ్చిందనుకుని అడుగుపెట్టడంతో ఒక్కసారిగా కిందికి పడిపోయారు. కింద ఉన్న లిఫ్ట్ పై పడి ప్రాణాలు వదిలారు. ఈ ప్రమాదంలో పోలీస్ అధికారి గంగారామ్ (55) దుర్మరణం పాలయ్యారు.
గంగారామ్ తెలంగాణ స్పెషల్ పోలీస్ 17వ బెటాలియన్ అడిషనల్ కమాండెంట్ గా పనిచేస్తున్నారు. గతంలో ఆయన తెలంగాణ సచివాలయానికి చీఫ్ సెక్యూరిటీ ఆఫీసర్ గా బాధ్యతలు నిర్వర్తించారు.
