Kodali Nani: వంశీ అరెస్ట్ ను ఎలా చూస్తారన్న రిపోర్టర్.... అరెస్ట్ లానే చూస్తామంటూ కొడాలి నాని పంచ్
వైసీపీ నేత కొడాలి నాని ఇవాళ ఓ రిపోర్టర్ తో మాట్లాడుతూ కట్టె విరిచినట్టు సమాధానాలు ఇచ్చారు. సాధారణంగా కొడాలి నాని మీడియాతో ఎంతో సరదాగా మాట్లాడారు. కానీ సదరు టీవీ చానల్ మహిళా రిపోర్టర్ తో మాత్రం కాస్తంత చిరాకుగా మాట్లాడారు.
కొడాలి నాని, రిపోర్టర్ సంభాషణ ఇదిగో...!
రిపోర్టర్: కొడాలి నాని గారూ... ఇన్ని రోజులు ఏమైపోయారు?
కొడాలి నాని: ఏమైపోవడం ఏంటమ్మా... మీ ఇల్లు ఎక్కడో చెబితే రోజూ వచ్చి కనిపించి వెళతాను. మీకు, రాధాకృష్ణకు, బీఆర్ నాయుడికి.. ఇంకా కొంతమంది పేర్లు చెబితే వాళ్లందరికీ కనిపించి వెళతాను!
రిపోర్టర్: అంతకుముందు బాగా యాక్టివ్ గా ఉండేవాళ్లు... బాగా మాట్లాడేవాళ్లు.
కొడాలి నాని: అప్పుడంటే గవర్నమెంట్ లో ఉన్నాం కాబట్టి యాక్టివ్ గా ఉండేవాళ్లం... ఇప్పుడేం చేయాలి.
రిపోర్టర్: అంటే భయపడుతున్నారా ఇప్పుడు?
కొడాలి నాని: దేనికి...?
రిపోర్టర్: గవర్నమెంట్ లో లేనందుకు... ఏదైనా మాట్లాడితే అరెస్ట్ చేస్తారని భయపడుతున్నారా?
కొడాలి నాని: కాదమ్మా... నీ ఉద్యోంపీకేసినా కూడా నువ్వు యాక్టివ్ గానే మైక్ పట్టుకుని తిరుగుతావా? మా ఉద్యోగం పీకేశారు కదా... ఇప్పుడు యాక్టివ్ గా ఉండి ఏం చేయాలి?
రిపోర్టర్: వల్లభనేని వంశీ అరెస్ట్ ను ఎలా చూస్తారు?
కొడాలి నాని: అరెస్ట్ లానే చూస్తాం. ఏముంది... ఇవన్నీ మామూలుగా జరిగే చిన్న చిన్న విషయాలు.
రిపోర్టర్: నెక్ట్స్ మిమ్మల్నే అరెస్ట్ చేయబోతున్నారని, రెడ్ బుక్ లో నెక్ట్స్ మీ పేరే ఉందని కూడా ప్రచారం జరుగుతోంది.
కొడాలి నాని: నేను చూడలేదమ్మా... రెడ్ బుక్ మీరేమైనా చూశారా? నాకు చూపించలేదు... మీకు చూపించాడా...?
రిపోర్టర్: పార్టీలో అయితే మీరున్నారు కదా సార్.
కొడాలి నాని: ఏ పార్టీలో...?
రిపోర్టర్: ప్రస్తుతం వైసీపీలో మీరు యాక్టివ్ గానే ఉన్నారు కదా!
కొడాలి నాని: ఇంతకుముందే కదమ్మా నేను యాక్టివ్ గా లేనని నువ్వే చెప్పావు. అమ్మా... ఈ రెడ్ బుక్కులు, బ్లూ బుక్కుల వల్ల ఏం ఉపయోగం లేదు.
రిపోర్టర్: గుడివాడలో మీపై 3 కేసులు ఫైల్ అయ్యాయని అంటున్నారు.
కొడాలి నాని: మూడు కాకపోతే 30 చేసుకోనీ అమ్మాయ్... ఇంత మంది లాయర్లు ఉన్నారు... వాళ్లు చూసుకుంటారు.
