TG TET Result 2025: తెలంగాణ టెట్ ఫ‌లితాలు రిలీజ్‌
- ఈ ఏడాది జ‌న‌వ‌రి 2 నుంచి 20 వ‌ర‌కు టెట్ ప‌రీక్ష‌లు
- ఫ‌లితాల‌ను విడుద‌ల చేసిన విద్యాశాఖ కార్య‌ద‌ర్శి యోగిత
- ఈ ఎగ్జామ్స్ కు 1,35,802 మంది హాజ‌రు
- వీరిలో 42,384 (31.21 శాతం) మంది అర్హ‌త సాధించిన‌ట్లు అధికారుల వెల్ల‌డి
తెలంగాణ టెట్ ఫ‌లితాలు విడుద‌ల‌య్యాయి. విద్యాశాఖ కార్య‌ద‌ర్శి యోగిత ఫ‌లితాల‌ను విడుద‌ల చేశారు. ఈ ఏడాది జ‌న‌వ‌రి 2 నుంచి 20 వ‌ర‌కు టెట్ ప‌రీక్ష‌లు జ‌రిగాయి. ఈ ఎగ్జామ్స్ కు 1,35,802 మంది హాజ‌ర‌య్యారు. వీరిలో 42,384 (31.21 శాతం) మంది అర్హ‌త సాధించిన‌ట్లు అధికారులు వెల్ల‌డించారు.
కాగా, తెలంగాణ టెట్ పరీక్షలో రెండు పేపర్లు ఉంటాయి. 1 నుంచి 5 తరగతులకు ఉపాధ్యాయులుగా ఉండాలనుకునే అభ్యర్థులు పేపర్-1ని... 6 నుంచి 8 తరగతులకు ఉపాధ్యాయులుగా ఉండాలనుకునే వారు పేపర్-2ను ఎంపిక చేసుకుంటారు.
ఇక టీచ‌ర్‌ ఉద్యోగాల భర్తీ సయమంలో టెట్‌లో సాధించిన మార్కులను పరిగణలోకి తీసుకుంటార‌నే విష‌యం తెలిసిందే. ఇకపై ప్రతి సంవత్సరం టెట్‌ను నిర్వహిస్తామని తెలంగాణ ప్రభుత్వం కూడా ప్రకటించింది.
