naga vamsi: 'డాకు మహారాజ్' ప్రీక్వెల్ తీస్తున్నాం: నిర్మాత నాగవంశీ
- బాలకృష్ణ, బాబీ కాంబోలో వచ్చిన ‘డాకు మహారాజ్’
- నిన్న రిలీజైన ఈ చిత్రానికి మంచి రెస్పాన్స్
- డాకు ప్రీక్వెల్ బాలకృష్ణతోనేనా అంటూ ఆసక్తికర చర్చ
నందమూరి బాలకృష్ణ హీరోగా బాబీ దర్శకత్వంలో తెరకెక్కిన యాక్షన్ మూవీ ‘డాకు మహారాజ్’. సంక్రాంతి కానుకగా ఆదివారం థియేటర్‌లలో విడుదలైన ఈ మూవీ బ్లాక్ బస్టర్ టాక్ దక్కించుకుంది. రిలీజ్‌కు ముందు ఏ స్థాయిలో జోరు కనిపించిందో ఇప్పుడు అంతకు రెట్టింపు స్థాయిలో బాక్సాఫీస్ వద్ద ‘డాకు’ జోరు నడుస్తోంది.
సినిమా మంచి టాక్ దక్కించుకోవడంతో మూవీ టీమ్ ఆదివారం ప్రెస్ మీట్ నిర్వహించింది. ఈ క్రమంలో ఈ సినిమాకు ప్రీక్వెల్ ఏమైనా ఉండబోతుందా? అన్న ప్రశ్న మీడియా నుంచి నిర్మాత సూర్యదేవర నాగవంశీకి ఎదురైంది. దీనికి నాగవంశీ రిప్లై ఇస్తూ.. ప్రీక్వెల్‌ను ప్లాన్ చేస్తున్నామన్నారు.
సినిమాలో ఓ విగ్రహం తల లేకుండా కనిపిస్తుందని, ఇదే పాయింట్‌ను హీరోగా చేసి ‘డాకు మహారాజ్’ ప్రీక్వెల్’గా సినిమా చేయాలని ప్లాన్ చేస్తున్నామన్నారు. దీంతో ఇప్పుడు ఈ కామెంట్స్ సోషల్ మీడియాలో వైరల్‌గా మారాయి. ఇంతకీ ప్రీక్వెల్ బాలకృష్ణతోనే ఉండబోతుందా ? లేక వేరే యాక్టర్ ఎవరైనా కనిపిస్తాడా? అనేది హాట్ టాపిక్‌గా ఉంది.
