Pushpa 2: మలయాళ ఫ్యాన్స్ కి నేనిచ్చే గిఫ్ట్ ఇదే: 'పుష్ప 2' ఈవెంటులో బన్నీ
- నిన్న రాత్రి 'కొచ్చి'లో జరిగిన 'పుష్ప 2' ఈవెంట్
- అభిమానుల నుంచి లభించిన భారీ రెస్పాన్స్
- వేదికపై హుషారుగా సందడి చేసిన అల్లు అర్జున్
- ఆయనతో కలిసి మెరిసిన రష్మిక
అల్లు అర్జున్ - సుకుమార్ కాంబినేషన్లో గతంలో వచ్చిన 'పుష్ప' సంచలన విజయాన్ని నమోదు చేసింది. ఆ సినిమాకి సీక్వెల్ గా 'పుష్ప 2' రూపొందింది. మైత్రీ మూవీ మేకర్స్ వారు నిర్మించిన ఈ సినిమా, డిసెంబర్ 5వ తేదీన విడుదల కానుంది. ఈ నేపథ్యంలో ఈ సినిమా మలయాళ వెర్షన్ కి సంబంధించిన ప్రీ రిలీజ్ ఈవెంటుకు, కేరళలోని 'కొచ్చి' వేదికగా మారింది. నిన్న జరిగిన ఈ వేడుకలో అల్లు అర్జున్ తనదైన స్టైల్లో సందడి చేశాడు.
నిన్న ఎయిర్ పోర్టు నుంచి ఈవెంట్ జరిగే ఏరియా వరకూ అల్లు అర్జున్ కి స్వాగతం చెబుతూ పెద్ద పెద్ద బ్యానర్లు ఏర్పాటు చేశారు. ఆయన అభిమానులు భారీ సంఖ్యలో అక్కడికి చేరుకున్నారు. అక్కడి వాతావరణం .. వాళ్లు చూపిస్తున్న అభిమానం ఆయనలో మరింత ఉత్సాహాన్ని తెచ్చిపెట్టినట్టుగా కనిపించింది. దాంతో ఆయన మరింత ఉల్లాసంగా .. ఉత్సాహంగా కనిపించాడు.
